مجموعة شباب بدأوا بعد تنحي مبارك بأسبوع يفكروا إزاي يبنوا البلد، مفيش معاهم غير شوية أفكار بدأوا ينفذوها واحدة واحدة، عملوا جمعية اسمها شباب 25 يناير لتنمية المجتمع المشهرة برقم 2122 لسنة 2011 وتشرف عليها وزارة التضامن الاجتماعي وفتحوا مركز طبي خيري صغير نوعا ما يوم 11-11-2011 وبعد سنة من افتتاحه نقلوه لمكان أكبر وشغال لحد النهاردة عبارة عن عيادات خارجية ومعمل تحاليل في شقة بالايجار وبه أجهزة طبية بحوالي نصف مليون جنيه منها موجات فوق صوتية على القلب وسونار ورسم قلب وأجهزة تحاليل وأجهزة عيادة العيون.

يمكنك معرفة المزيد من خلال صفحة من نحن


قرية الشبراوين مركز ههيا على بعد 10 كيلومترات من مدينة الزقازيق عاصمة الشرقية وتبعد عن القاهرة 90 كيلو متر .. المستشفى في منطقة ريفية، الخضرة على مد البصر لكن أهل تلك المناطق يعانون أيما معاناة بسبب المرض وقلة الحيلة.

هناك الأب بيعاني أكبر معاناة علشان يلاقي حضانة أطفال لإبنه ولو لقى مكان ما بيقدرش يدفع تكلفة الإقامة فيه، لإن المستشفيات في المنطقة يا إما حكومية والخدمة فيها دون المستوى أو خاصة والتكلفة فيها فوق قدرة الأغلبية العظمى.

تخيل بقى لو محتاج سرير رعاية مركزة أو فيه لا قدر الله حادثة زي حادثة التسمم الشهيرة في مدينة الإبراهيمية، تخيل الوضع بيبقى عامل إزاي.. علشان كده الناس دي محتاجة دعمك.. أكيد فيه ناس كتير في مصر حالهم زيهم.. علشان كده نفسنا مستشفى 25 يناير يكون في كل ربوع مصر.


34


إجمالي مساحة المستشفى 700 متر والمستغل منها للمستشفى في البناء 400 متر وعبارة عن أرضي و 7 أدوار والمستشفى عام وغير متخصص في علاج مرض معين أو فئة عمرية معينة، مهتمين نقدم للناس الخدمة الصحية الأدمية لعامة البشر


  • دور كامل حضانات أطفال ودي مشكلة كبيرة جدا علي مستوي الجمهورية وناويين نتوسع فيها كمان فيما بعد .
  • كذلك 17 سرير رعاية مركزة وهي مشكلة تعاني منها كل المستشفيات .
  • دور كامل به 3 غرف عمليات .
  • دور كامل عيادات خارجية في كل التخصصات.
  • السعة المتوقعة للمستشفى هي 30 سرير تقريبا وهذا رقم جيد في البداية .
  • مركز أشعة رنين ومقطعية وموجات صوتية وكل أنواع الأشعة اللي كل الغلابة ما بيقدروش علي سعرها .
  • معمل تحاليل علي أعلي مستوى .

من تويتر، أيوه من فكره مجنونة علي تويتر اسمها تاكسي الخير، كانوا بيلفوا بدفتر ايصالات مختوم من الشئون الاجتماعية يجمعوا تبرعات من كل مكان، اشتروها من فلوس تاكسي الخير بقيمة 625 ألف جنيه وكمان من خلال حساب الجمعية في بنك مصر اللي أعلنوا عنه كمان على مواقع التواصل الاجتماعي تويتر وفيس بوك وكمان بعض البرامج في القنوات الفضائية اتكلمت عن المشروع ونزلت صورت ووقفت تجربة النجاح وعرضت رقم الحساب ووسائل التبرع .


ده أكبر سبب ومبرر إنك تتبرع لينا، علشان إحنا مش مشهورين، مفيش عندنا ملايين نعمل اعلانات تشوفها كل شوية في التليفزيون.

تاني سبب مفيش عندنا دولة ولا جهات ولا منظمات ولا جمعيات ولا رجال أعمال بيدعمونا، معتمدين علي الشعب وعلي الناس اللي فيها الخير.

ثالث سبب يخليك تتبرع لينا إننا فكرة اتولدت من رحم ثورة 25 يناير، من الشباب اللي نفسه يغير البلد.

رابع سبب إننا عندنا تجربة نجاح حقيقية وهي مركز طبي خيري شغال من 11-11-2011 وعليه إقبال مذهل وفيه أفضل الأطباء وأحدث الأجهزة الطبية ومعمل تحاليل كمان.

حاجة أخيرة .. قريب جدا هنكبر ونبقى من أكبر المستشفيات في مصر بفضل ربنا ثم مساعدة أهل الخير أمثال حضرتك .


كل مليم بيدخل في حساب الجمعية بيخضع لرقابة وزارة التضامن الاجتماعي ومراجعتها، وكل مليم بيتصرف بإشرافها، كمان نفسنا تتابع مراحل المشروع ولو ظروفك تسمح تزونا يا ريت وتشوف الحلم بيتحقق علي أرض الواقع بنفسك.

الحاجة التانية.. من أول يوم عندنا شفافية مطلقة نتحدى إنها تكون موجودة في أي جمعية أو مؤسسة خيرية أو غير خيرية، يوميا بيتم عرض التبرعات وصور الايصالات ورصيد الايداعات في البنوك وكمان بنعرض تباعا المستندات والتراخيص والتصاريح وميزانيات الجمعية العمومية وتقدر حضرتك تشوفها دلوقتي على موقعنا هنا في باب خطط ومستندات..

احنا كمان بنقولك لازم تطمن فلوسك رايحة فين ويا ريت تتابع معانا تطورات المشروع بنفسك وتدعمنا وتدعم حق الناس الغلابة في أقل حقوقهم وهو العلاج الأدمي.



افتتاح المستشفى

افتتاح المستشفى

باق من الزمن

64

يوماً